Bakı. Aynur Əliyeva - APA-Economics. Bakıda Azərbaycan və İran iş adamlarının iştirakı ilə keçirilən biznes forum çərçivəsində bir sıra sahələr üzrə razılıq əldə olunub.
“APA-Economics”in məlumatına görə, bunu Tehran Ticarət, Sənaye, Mədən və Kənd Təsərrüfatı Palatası sədri Yəhya Əli-İshaq Azərbaycan Ticarət Palatasında keçirilən görüş zamanı bildirib.
O deyib ki, iki ölkənin şirkətləri arasında qida məhsullarının hazırlanması üçün konveyerlərin gətirilməsi üzrə müqavilə imzalanıb.
“Həmçinin şirkətlər arasında neft və qaz sahəsində araşdırmaların aparılması və inkişaf etdirilməsi sahəsində, o cümlədən qida məhsullarının Azərbaycana idxal olunmasına dair ilkin razılıq əldə olunub ”, - deyə Y. Ə. İshaq qeyd edib.
Palata sədri əlavə edib ki, iki ölkə arasında qida sənayesi, tikinti materialları, müxtəlif infrastruktur layihələrin hazırlanması, enerji sektoru, tibbi-turizm sahəsində əməkdaşlıq etmək üçün böyük potensiallar mövcuddur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
