Bakı. Məlahət Nəcəfova - APA. “Ukrayna ilə Azərbaycan arasında dostluq və əməkdaşlıq mövcuddur”.
APA-nın məlumatına görə, bu sözləri Ukraynanın Azərbaycandakı səfiri Aleksandr Mişşenko deyib. O bildirib ki, münasibətlər Sovet İttifaqı dağıldıqdan sonra da inkişaf edib: “Bizim ümumi problemlərimiz var. Bu, ərazilərimizin bir hissəsinin ilhaq olunmasıdır. Ukrayna prezidenti Pyotr Poroşenko da burada olarkən bildirdi ki, Dağlıq Qarabağ münaqişəsi ilə bağlı status-kvo qəbuledilməzdir və bu münaqişənin həllində istənilən irəliləyiş Ukraynadakı problemin həllinə təkan verəcək”.
Səfir noyabrda Bakıda Azərbaycan-Ukrayna biznes forumunun keçiriləcəyini söyləyib: “Bu forum iki ölkə prezidentinin əldə etdiyi razılaşma əsasında keçiriləcək. Forumda iştirak etmək üçün 50 Ukrayna şirkətinin nümayəndələri Azərbaycana gələcək”.
Diplomat hələlik biznes forumun dəqiq vaxtının müəyyənləşmədiyini vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
