Cari ilin oktyabr ayında Həştərxanda Azərbaycan Biznes Mərkəzinin yaradılması planlaşdırılır. "APA-Economics" xəbər verir ki, bunu "Interfax" agentliyinə Həştərxan vilayətinin İqtisadi İnkişaf Nazirliyindən bildirilib.
Bildirilib ki, tikiləcək 5 mərtəbəli mərkəz 3,7 min kvadratmetr ərazini əhatə edəcək.
"Mərkəzdə iş adamlarının görüşünün təşkili, onlar arasında birbaşa əlaqələrin qurulması və danışıqların həyata keçirilməsi nəzərdə tutulur", - deyə qurum rəsmisi bildirib.
Məlumata görə, tikintisi 2016-cı ilin dekabrında başlanılan mərkəzin inşasına 208,7 mln. rubl (6,3 mln. manat) həcmində investisiya yatırılacaq: "Layihənin investoru özəl şirkət olan "Meçta" MMC-dir. Bu investisiya layihəsinə "xüsusi status" verilib. Beləliklə, şirkət bu status üçün nəzərdə tutulan imtiyazlardan yararlana biləcək", - deyə nazirlikdən bildirilib.
Qeyd edək ki, tikiləcək Həştərxanda tikilən Azərbaycan Biznes Mərkəzi Rusiyada ikinci belə mərkəzdir. Birinci mərkəz isə Moskvada ucaldılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
