Sənaye və energetika

Ana səhifə

Rövnəq Abdullayev: ““Petkim”də tikəcəyimiz neft emalı zavodu başqa yerdə tikilən analoji zavoddan 40% ucuz başa gələcək”

14 noyabr 2009 09:46 (UTC +04:00)

R.Abdullayevin sözlərinə görə, hazırda layihənin texniki-iqtisadi əsaslandırılması hazırlanır. Zavodun tikintisinə gələn ilin əvvəlində başlanacaq.

ARDNŞ prezidenti bildirib ki, «Petkim»də neft emalı zavodunun tikintisi və fəaliyyəti üçün lazımi infrastruktur mövcuddur. Bu zavodun illik gücü 10-15 mln. ton təşkil edəcək: «Burada zavodun tikintisi digər ərazilərdən fərqli olaraq daha ucuz başa gələcək. Nəzərə alsaq ki, burada neft emalı zavodu üçün alt infrastruktur var, o zaman deyə bilərik ki, buradakı zavodun qiyməti ilə başqa yerdə tikilən analoji zavodun qiyməti arasında 40%-ə yaxın fərq olacaq».

R. Abdullayev onu da əlavə edib ki, dünyadakı maliyyə böhranı nəticəsində neft kimya kompleksində problemlər yaşansa da, «Petkim» heç bir problemlə üzləşməyib. Müəssisə cari ilin 9 ayında yaxşı gəlir əldə edib.

Qeyd edək ki, «Petkim»in 51%-lik səhm paketinin satışı ilə bağlı tender 2007-ci ilin iyul ayında keçirilib və 2,05 mlrd. dollar təklif edən «TransCentralAsia Petrochemical Holding» Qazaxıstan-Rusiya birgə müəssisəsi tenderin qalibi elan olub. Lakin daha sonra tender komissiyası bu qərarı ləğv edərək, «SOCAR-Turcas-İnjaz» alyansını tenderin qalibi elan edib.

“Petkim”