Sənaye və energetika

Ana səhifə

Sabah Azərbaycanın bəzi rayonlarının qaz təchizatında məhdudiyyət yaranacaq

19 noyabr 2009 15:16 (UTC +04:00)

Bu barədə «APA-Economics»ə ARDNŞ-dən məlumat verilib.

ARDNŞ-dən bildirilib ki, «Türkan-1» Qaz Paylayıcı Stansiyasından Türkan qəsəbəsinə gedən qaz xəttində və “28 May” Qaz Paylayıcı Stansiyasından Zirə qəsəbəsinə gedən qaz xəttində təmir işləri ilə əlaqədar olaraq sabah saat 10:00-dan 18:00-dək Əzizbəyov rayonu Türkan və Zirə qəsəbələrinin bir hissəsinin, Əzizbəyov dairəsi Qaz Paylayıcı Stansiyasında “Nərimanov” sərf ölçmə qovşağında quraşdırılmış 159,85 mm-lik diafraqmanın sərfə uyğun daha böyük ölçülü diafraqma ilə əvəz edilməsi ilə əlaqədar sabah saat 10:00-dan 14:00-dək Nərimanov rayonu ərazisində qaz təchizatı dayandırılacaq.

Sabah həmçinin Qazax rayonunun Yuxarı Salahlı Avtomatik Qaz Paylayıcı Stansiyasından rayonun Aslanbəyli kəndinə gedən 159 mm-lik daşıyıcı qaz kəmərinin 100 mm-lik hissəsində aşkar edilmiş qaz sızmalarının aradan qaldırılması və təmir-bərpa işlərinin aparılması ilə əlaqədar saat 10:00-dan 18:00-dək bölgəyə təbii qazın verilişində məhdudiyyət tətbiq ediləcək.