Bu gün Bakının Binəqədi və Sabunçu rayonlarının bir sıra ərazilərində təmir-quraşdırma və payız-qış mövsümünə hazırlıq işləri ilə əlaqədar qaz təchizatında müvəqqəti fasilə yaranacaq.
APA-Economics xəbər verir ki, bu barədə "Azəriqaz" İstehsalat Birliyi məlumat yayıb.
Məlumata görə, iyulun 17-də saat 10:00-dan etibarən işlər başa çatanadək Binəqədi rayonunun 6-cı, 7-ci, 8-ci və 9-cu mikrorayonlarının, M.Ə.Rəsulzadə qəsəbəsinin bir hissəsinin, Xutor qəsəbəsinin və Vorovski yaşayış massivinin, həmçinin Sabunçu rayonunun Səməd Vurğun və Azərbaycan qadını küçələrinin qaz təchizatında qısamüddətli fasilə yaranacaq.
Bildirilib ki, məhdudiyyət təmir-quraşdırma və payız-qış mövsümünə hazırlıq işlərinin aparılması ilə əlaqədardır.
"Azəriqaz" qeyd edib ki, təmir işləri başa çatdıqdan sonra qaz təchizatı mərhələli şəkildə bərpa olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
