Elektrik enerjisi dövründə enerji təhlükəsizliyi üçün əsas məsələlərdən biri yeni şəbəkələrin, enerji saxlama sistemlərinin və enerji sistemlərinin çevikliyini təmin edən digər mənbələrin nə qədər sürətlə yaradılmasıdır.
Bu barədə “APA-Economics” Beynəlxalq Enerji Agentliyinin “Dünya Enerji Mənzərəsi – 2025” (World Energy Outlook – 2025, WEO-2025) hesabatına istinadən xəbər verilir.
“Hazırda bu elementlərin bəziləri geridə qalır. Elektrik istehsalına qoyulan sərmayələr 2015-ci ildən bəri təxminən 70% artıb, lakin illik şəbəkə xərcləri bunun yarısından da az sürətlə yüksəlib,” – hesabatda qeyd olunur.
Müxtəlif WEO-2025 ssenariləri arasında artım tempi fərqlənsə də, bütün ssenarilərdə bərpa olunan enerji – xüsusilə günəş fotoelektrik enerjisi (PV) – ən sürətlə inkişaf edən mənbə olaraq qalır. 2035-ci il üçün qlobal enerji tələbatının artımının 80%-i yüksək günəş radiasiyasına malik bölgələrdə baş verəcək.
Hesabatın bütün ssenarilərin ortaq cəhətlərindən biri də nüvə enerjisinin yenidən yüksəlişidir – həm ənənəvi iri miqyaslı stansiyalara, həm də kiçik modul reaktorlar kimi yeni texnologiyalara investisiyalar artır. İki onillikdən çox durğunluqdan sonra qlobal nüvə enerjisi gücü 2035-ci il üçün ən azı üçdə bir artacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
