Bakı. Rəşad Süleymanov – APA. Türkiyədən Azərbaycana gələn sərnişində «beşbarmaq» aşkarlanıb. Bu barədə APA-ya Dövlət Gömrük Komitəsindən məlumat verilib.
Hava Nəqliyyatında Baş Gömrük İdarəsində Antalya-Bakı aviareysi ilə gələn Azərbaycan vətəndaşı Ələkbər Ələkbərliyə məxsus çantaya gömrük baxışı zamanı çantadan gömrük nəzarətinə təqdim olunmayan metaldan hazırlanmış 3 ədəd “beşbarmaq” aşkar olunub.
Ədliyyə Nazirliyi Məhkəmə Ekspertizası Mərkəzinin arayışına əsasən, həmin əşyalar əzici-vurucu xassəyə malik soyuq silahlar hesab edilib.