Quba. Vəli Turan - APA. Bu gün səhər saatlarında Quba rayonunda dəm qazından zəhərlənmə faktı qeydə alınıb.
APA-nın şimal bürosunun verdiyi məlumata görə, 1964-cü il təvəllüdlü Kəmalə Musayeva hamamda dəm qazından zəhərlənib. O, Quba Mərkəzi Rayon Xəstəxanasının reanimasiya şöbəsinə yerləşdirilib.
Xəstənin vəziyyətinin orta-sabit olduğu bildirilir.
Faktla bağlı araşdırma aparılır.