Bakı. Rəşad Süleymanov – APA. Türkiyənin İstanbul şəhərində I Türk Cümhuriyyətləri Hərbi Tibb Konqresi başlayıb. APA-nın Türkiyə Silahlı Qüvvələrinin Baş Qərargahına istinadən verdiyi məlumata görə, iyunun 25-dək davam edəcək Konqresə Türkiyə, Azərbaycan, Qazaxıstan, Qırğızıstan, Türkmənistan və Şimali Kiprdən 150 hərbi tibb işçisi qatılıb.
Konqresdə “Fövqəladə hallarda hərbi səhiyyə xidmətləri” mövzusunda məruzələr dinləniləcək, tibbi məlumatlar və təcrübələr paylaşılacaq.