Bakı. Zümrüd Paşayeva - APA. Dünən Litvada keçirilən prezident seçkilərinin ikinci turunun nəticələri məlum olub.
APA-nın "Russia Today"a istinadən xəbərinə görə, hazırkı dövlət başçısı Dalya Qribauskayte yenidən prezident seçilib.
Hazırkı prezident səslərin 58,68%-ni, onun rəqibi - sosial demokrat Ziqmantas Balcitis isə 40,1%-ni qazanıb. Seçicilərin iştirakı 46,89% təşkil edib.
Qeyd edək ki, Litvada prezident seçkilərinin ilk turu mayın 11-də keçirilib.