Bakı-APA. Avropa Birliyi Moldova və Gürcüstan ilə assosiasiya haqqında sazişi 2014-cü ilin payızınadək imzalamaq niyyətindədir. APA-nın “RİA Novosti”yə istinadən verdiyi xəbərə görə, bu barədə Avropa Şurasının sədri Herman van Rompey Rusiya-AB sammitinin yekunlarına dair keçirilən mətbuat konfransında bəyan edib.
“Biz Moldova və Gürcüstanın qəbul etdikləri qərarların payızın əvvəlində imzalarla təsdiqlənməsini gözləyirik”, deyə o vurğulayıb.
Qeyd edək ki, Moldova və Gürcüstan ötən ilin noyabrında Avropa Birliyi ilə assosiasiya sazişini paraflayıblar.