Azərbaycanın Kanadadakı səfirliyindən APA-ya verilən məlumata görə, Kanadanın elm və texnologiya üzrə Dövlət Naziri Ed Holder, Kanada Parlamenti və Ontario əyaləti parlamentinin üzvləri, eləcə də London şəhər şurasının təmsilçisi tədbirə qatılan qonaqlar arasında olublar.
Tədbirin açılışında çıxış edən “Azəri-Türk Kanada Assosiasiyası”nın sədri Kəmalə Şiriyeva rəhbərlik etdiyi təşkilat barədə qonaqlara məlumat verib. Assosiasiyanın gənclər bölməsinin sədri Səbinə Əzizli isə Azərbaycan Demokratik Respublikasının tarixi barədə təqdimatla çıxış edib.
Daha sonra tədbirə qatılan Kanadanın dövlət naziri və millət vəkilləri çıxış edərək, Azərbaycan icması və xalqını Respublika günü münasibətilə təbrik ediblər.
Azərbaycanın Kanadadakı səfirliyinin təmsilçisi çıxış edərək, may ayının 10-nun Azərbaycanın Ümummilli Lideri Heydər Əliyevin anadan olmasının 91-ci ildönümü olduğunu vurğulayıb, Azərbaycan Demokratik Respublikasının yaranmasının tarixi əhəmiyyətindən, müstəqilliyin bərpasından keçən dövr ərzində Azərbaycanın keçdiyi inkişaf yolundan, ölkəmizin son on ildə əldə etdiyi nailiyyətlər, o cümlədən iqtisadi inkişaf, yoxsulluğun azaldılması, Azərbaycanın Avropanın enerji təhlükəsizliyinə töhfəsi, terrorizmə qarşı müharibədə iştirakı, BMT Təhlükəsizlik Şurasına üzv seçilməyi barədə danışıb, eləcə də Kanada-Azərbaycan əlaqələrinin hazırkı durumu və perspektivləri barədə tədbir iştirakçılarını məlumatlandırıb.
Tədbirin sonunda qonaqlar üçün mədəni proqram təşkil edilib, Azərbaycan musiqisi və rəqsləri nümayiş etdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
