Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya açıqlamasında bildirib ki, cənub-qərb küləyi gün ərzində arabir güclənəcək. Havanın temperaturunun gecə 0-4, gündüz 6-9 dərəcə isti olacağı proqnozlaşdırılır.
Azərbaycanın rayonlarında dekabrın 10-da əsasən yağmursuz hava gözlənilir. Lakin gecə və səhər bəzi yerdə duman olacaq, cənub-şərq rayonlarında isə az yağıntılı olacağı ehtimalı var. Qərb küləyi əsəcək. Gündüz əsasən dağlıq ərazilərdə arabir güclənək. Havanın temperaturunun gecə 2 dərəcə şaxtadan 3 dərəcəyədək isti, gündüz 7-12 dərəcə isti, dağlarda gecə 3-8 dərəcə şaxta, bəzi yerlərdə 10-15 dərəcə, gündüz 2-7 dərəcə isti olacağı gözlənilir.
Tibbi meteoroloji proqnoza əsasən, yaxın 2-3 gün ərzində Bakıda və Abşeron yarımadasında gözlənilən, dəyişkən və güclü küləkli hava şəraiti meteohəssas insanlar üçün əsasən əlverişsizdir.