Bakı - APA. Rusiya və ABŞ münasibətləri dinamikliyin və bir sıra mühüm məsələ üzrə irəliləyişin olmaması ilə xarakterizə olunur.
APA-nın məlumatına görə, bunu “Rusiyanın Səsi” radiostansiyasına müsahibəsində Rusiya xarici işlər nazirinin müavini Sergey Ryabkov deyib.
“Təəssüf ki, münasibətlərdə arzuladığımız irəliləyiş müşahidə edilmir. O cümlədən, raket hücumundan müdafiə, silahlara nəzarətlə bağlı mövzularda da münasibətlərimiz ürəkaçan deyil”, - deyə S. Ryabkov bildirib.
Yüksək rütbəli rusiyalı diplomat iki ölkə arasında qənaətbəxş məqamların olduğunu da qeyd edib. O buna misal olaraq, bəzi regional məsələlərdə, o cümlədən Suriya və İran böhranları ilə bağlı ABŞ-la qarşılıqlı əməkdaşlıqda əldə olunmuş uğurları qeyd edib.
“Buna baxmayaraq, mən ümumi vəziyyəti müsbət qiymətləndirmirəm. Bir sözlə ifadə etsək, münasibətlərimizdə durğunluq hökm sürür, - S. Ryabkov bildirib.