Bakı – APA. Azərbaycan Respublikası fövqəladə hallar nazirinin müavini, general-leytenant Etibar Mirzəyev aprelin 24-25-də İsveçrə Konfederasiyasının Cenevrə şəhərində keçirilmiş Beynəlxalq Mülki Müdafiə Təşkilatının (BMMT) Baş Məclisinin 21-ci sessiyasında iştirak edib.
APA-nın FHN-in saytına istinadən verdiyi məlumata görə, tədbirdə BMMT-yə üzv olan 41 ölkə və müşahidəçi statusuna malik 6 ölkədən nümayəndələr iştirak edib.
Sessiyada çıxış edən E. Mirzəyev Azərbaycan Respublikasında fövqəladə halların qarşısının alınması, onların nəticələrinin aradan qaldırılması və mülki müdafiə sahəsində görülən işlər barədə məlumat verib.
Tədbir çərçivəsində Azərbaycan Respublikası BMMT-nin İcraiyyə Şurasına üzv seçilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
