Bakı. Real Cəfərli - APA. İran-Türkmənistan sərhədində zəlzələ baş verib. APA-nın Tehran Universiteti Geofizika İnstitutu Seysmoloji Xidmət Mərkəzinin saytına istinadən verdiyi məlumata görə, təbii fəlakətin episentri İranın Gülüstan vilayətinin Məravətəpə şəhərinə təsadüf edib.
4 bal gücündə olan zəlzələ yanvarın 11:00-da Bakı vaxtı ilə saat 03:07-də yerin 10 km dərinliyində meydana gəlib. Təbii fəlakət Məravətəppədən (İran) 90 km, Qazanyukdan (Türkmənistan) 98 km və Karakaladan (Türkmənistan) 99 km uzaqlıqda baş verib. Dağıntı və tələfat yoxdur.