Bakı-APA. ABŞ prezidenti Barak Obama Suriyada vurulacaq obyektlərin siyahısının genişləndirilməsinə dair göstəriş vermədiyini bəyan edib. APA-nın “İnterfaks”a istinadən verdiyi məlumata görə, Obama mətbuatda yayılmış məlumatların doğru olmadığını bildirib.
"Bu məlumatlar dəqiq deyil ", - deyə ABŞ prezidenti G-20 sammitinin yekunlarına dair brifinqdə bildirib. O qeyd edib ki, Suriyaya zərbə məhdud və proporsional olacaq.