Bakı. Rəşad Süleymanov - APA. Azərbaycan Hərb Tarixi Muzeyində faşizm üzərində qələbənin 69-cu ildönümü, Sovet İttifaqı qəhrəmanları Bəhyəddin Mirzəyevin 100, Cəmil Əhmədov və Mikayıl Ələkbərovun anadan olmalarının 90 illiyi münasibəti ilə tədbir keçirilib. APA-nın məlumatına görə, tədbirdə müharibə veteranları, Azərbaycan Silahlı Qüvvələrinin zabitləri, həmçinin hərbi təhsil müəssisələrinin kursantları iştirak ediblər.
Tədbirdə əvvəlcə Hərb Tarixi Muzeyində çar Rusiyası ordusunda xidmət etmiş, azərbaycanlı vitse-admiral İbrahim bəy Aslanbəyovun rəssam tərəfindən çəkilmiş portretinin təqdimatı olub. Daha sonra çıxış edən Müdafiə Nazirliyinin Mənəvi-psixoloji hazırlıq və ictimaiyyətlə əlaqələr idarəsinin rəisi, polkovnik Rüfət Əmirov azərbaycanlıların Böyük Vətən Müharibəsində rolundan danışıb. R. Əmirov bildirib ki, 1941-1945-ci illərdə döyüş əməliyyatlarında 800 minə yaxın azərbaycanlı iştirak edib. Onların böyük hissəsi döyüşlərdə həlak olub. Azərbaycan eyni zamanda arxa cəbhədə - Sovet Ordusunun təchizatında mühüm rol oynayıb.
Daha sonra çıxış edənlər azərbaycanlıların və adıçəkilən Sovet İttifaqı qəhrəmanlarının keçdikləri döyüş yolu barədə danışıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
