Bakı. Aqşin Rafiqoğlu – APA-Economics. Azərbaycan Dövlət Neft Şirkəti (ARDNŞ) bu ilin iyun ayında Novorossiysk limanından 84 577 ton xam neft ixrac edib.
ARDNŞ-dən “APA-Economics”ə verilən məlumata görə, bu, ötən ilin eyni dövrü ilə müqayisədə 2 dəfə azdır.
Ötən ay Supsa limanından 242 039 ton neft ixrac edilib ki, bud a ötən ilin iyun ayı ilə müqayisədə 0,1% azdır. Ceyhan limanından isə 1 871 477 ton xam neft ixrac edilib ki, bud a ötən ilin analoji dövrü ilə müqayisədə 7,4% çoxdur.
Ümumilikdə, bu ilin yanvar-iyun ayları ərzində Novorossiysk limanından 508 222 ton xam neft ixrac edilib. Bu, ötən ilin 6 ayı ilə müqayisədə 38,4% azdır.
Bu ilin 6 ayı ərzində Supsa limanından 6,4% çox və ya 1 452 574 ton, Ceyhan limanından isə 1,7% çox və ya 10 313 893 ton xam neft ixrac edilib.
ARDNŞ tərəfindən ixrac olunmuş xam neftin göstəriciləri həm Azərbaycan dövlətinə, həm də ARDNŞ-ə məxsus xam neft həcmlərini əks etdirir.