Ağdam. Teymur Zahidoğlu - APA. Bu gün Qarabağ bölgəsində hava şəraiti kəskin dəyişib. APA-nın Qarabağ bürosunun məlumatına görə, Ağdamın cəbhəyanı yaşayış məntəqələrində, həmçinin Qarqar və Xaçın çayları boyunca yerləşən kəndlərdə güclü dolu yağıb.
Ağdamın Əhmədağalı və Çıraqlı kəndlərinin sakinlərinin sözlərinə görə, təqribən 5 dəqiqə müddətində düşən dolu əkin sahələrinə zərər vurub. Hazırda əraziyə güclü yağış yağır.