Bakı. Real Cəfərli – APA. Bu gün günorta saatlarında İranın Hörmüzqan vilayətində növbəti zəlzələ baş verib.
APA-nın Tehran Universiteti Geofizika İnstitutu Seysmoloji Xidmət Mərkəzinin saytına istinadən verdiyi məlumata görə, təbii fəlakətin episentri İranın Hörmüzqan vilayətinin Kiş adasına təsadüf edib. 4.5 bal gücündə olan zəlzələ yanvarın 10-da Bakı vaxtı ilə saat 12:12-də yerin 10 km dərinliyində meydana gəlib.
Yeraltı təkan Kiş adasından 24 km, Hendorabidən 29 km və Çarak limanından (Bəndər-e Çarak) 36 km uzaqlıqda baş verib. Dağıntı və itki yoxdur.
Qeyd edək ki, ötən gün səhər və günorta saatlarında Kiş adasında 4.3 və 5 bal gücündə iki zəlzələ olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
