Bakı. Nicat Mustafayev - APA-Economics. Azərbaycan Rabitə və İnformasiya Texnologiyaları Nazirliyinin «Azərmarka» şirkəti «Azərbaycan və Belarus birgə buraxılışı» seriyasından Azərbaycan və Belarus respublikaları arasında diplomatik əlaqələrin 20 illiyi münasibətilə poçt blokunu dövriyyəyə buraxıb.
Nazirlikdən «APA-Economics»ə verilən məlumata görə, ölkələr arasında diplomatik əlaqələrin qurulmasına dair protokol 1993-cü ilin iyunun 11-də imzalanıb.
20 illik tərəfdaşlıq ərzində iki ölkənin elmi dairələri arasında uzunmüddətli münasibətlər yaradılıb, tibb, təhsil və mədəniyyət sahəsində əməkdaşlıq genişləndirilib, ticari-iqtisadi əlaqələr fəal inkişaf etdirilib.
Blokun tirajı 15 min, nominal dəyəri isə 1 manat təşkil edir.
Blok üzərində iki ölkənin dövlət simvolları, Bakı və Minskdəki hökumət evləri əks olunub.