Bakı. Vahab Rzayev – APA-Economics. Bu gün Bakı Fond Birjasında «Kredit House» MMC-in təmin edilməmiş, faizli, adlı, sənədsiz yeni istiqraz emissiyasının yerləşdirilməsinə başlanılıb. Birjadan «APA-Economics»ə verilən məlumata görə, emissiyanın həcmi 1 mln. manat, bir istiqrazın nominal dəyəri isə 1 min manat təşkil edir.
İstiqrazların tədavül müddəti 720 gün, illik gəlirlik 8%-ə bərabərdir. Faizlərin ödəniş dövrünün müddəti 90 gündür.
Qeyd edək ki, «Kredit House» bank olmayan kredit təşkilatı kimi bank-maliyyə bazarında əsasən kiçik və orta sahibkarlara və fiziki şəxslərə biznes, mikro, istehlak, avtomobil, təcili kreditlərinin verilməsi sahəsində fəaliyyət göstərir.