Bakı. Real Cəfərli - APA. İranın xarici işlər naziri Məhəmməd Cavad Zərif ölkə parlamentində hesabat verib.
APA-nın İRNA-ya istinadən verdiyi məlumata görə, M.C.Zərif noyabrın 4-də İran parlamentinin milli təhlükəsizlik və xarici siyasət komissiyasında İranla “altılıq” ölkələri arasında Cenevrədə keçirilmiş nüvə müzakirələrində uranın zənginləşdirilməsinin təxirə salınması ilə bağlı heç bir razılaşma əldə olunmadığını bildirib: “Bununla bağlı yayılan iddialar yalandır”.
Nazir özünün və prezident Həsən Ruhaninin xarici siyasət sahəsində heç bir şəkildə İranın ali dini liderinin fikirlərinə zidd hərəkət etməyəcəyini də deyib: “İranın diplomatiya mexanizmi İran İslam Respublikasının qüdrəti və milli mənfəətləri istiqamətində hərəkət edəcək”.