Bakı. Aynur Əliyeva - APA-Economics. Bu gün Gürcüstanda müşahidə olunan qarlı hava şəraiti ilə əlaqədar «Azərbaycan Hava Yolları» (AZAL) şirkətinin Bakı-Tbilisi marşrutu üzrə J2 223 nömrəli aviareysində ləngimə müşahidə olunur.
Bu barədə «APA-Economics»ə Heydər Əliyev Beynəlxalq Hava Limanından məlumat verilib.
Belə ki, «Embraer 170» təyyarəsi ilə həyata keçirilən aviareysin saat 10:10-da yerinə yetirilməsi planlaşdırılsa da, hava şəraiti ilə əlaqədar reys təxminən 3 saat sonraya təxirə salınıb. Təyyarənin saat 13:00-da yola düşməsi nəzərdə tutulub.
Xatırladaq ki, Bakı-Tbilisi aviareysi həftənin I, III, VI, VII günləri saat 10:10, həftənin II, IV və V günləri isə saat 23:10-da yerinə yetirilir.