Bakı. Ramiz Mikayıloğlu - APA .“Azərbaycanda dövriyyədə olan köhnə avtomobillərin utilizasiyası, yaxud bu avtomobillərin müqabilində kompensasiyanın verilməsi ilə bağlı dövlət proqramının hazırlanması məsələsinə hazırda baxılmır, bu məsələ gündəmdə deyil”.
APA-nın məlumatına görə, bunu jurnalistlərə açıqlamasında Standartlaşdırma, Metrologiya və Patent üzrə Dövlət Komitəsinin Azərbaycan Standartlaşdırma və Sertifikatlaşdırma İnstitutunun direktoru Sabiq Abdullayev deyib. O bildirib ki, gələcəkdə bu məsələyə baxıla bilər.
S. Abdullayevin sözlərinə görə, Azərbaycanda yeni neft emalı kompleksinin tikintisi ilə bağlı 1000-ə qədər standart hazırlanaraq qəbul olunacaq: “Artıq institutumuz tərəfindən 100-ə qədər standart hazırlanıb və aprelin sonuna qədər dövlət qeydiyyatına təqdim olunacaq”.