Bakı – APA. Futzal üzrə milli komandaların reytinq siyahısı açıqlanıb. Apasport.az saytının məlumatına görə, cədvəldə dünyanın 152 yığması yer alıb. Bu komandalardan 105-i əsas siyahıya daxil edilibsə, 45 milli son 2 ildə kifayət qədər oyun keçirmədiyindən cədvələ şərti olaraq salınıb.
Hesabında 1391 xal olan Azərbaycan yığması növbəti dəfə irəliləyişə nail olub. Ötən reytinq cədvəlində 10-cu olan millimiz mövqeyini 1 pillə yaxşılaşdırıb.
Joze Alesionun yetirmələri artıq dünyanın 9-cu komandasıdır. Bu irəliləyişə səbəb isə Yaponiyanın geriləməsidir. Belə ki, asiyalılar “Top-10”u tərk edib.
1. Braziliya - 1928
2. İspaniya - 1915
3. İtaliya - 1771
4. Rusiya – 1739
5. Argentina – 1641
6. Portuqaliya - 1616
7. İran - 1606
8. Ukrayna - 1460
9. AZƏRBAYCAN – 1391
10. Paraqvay - 1384