Gədəbəy Rayon Prokurorluğundan APA-ya verilən məlumata görə, hadisə noyabrın 22-də rayon qəbiristanlığında qeydə alınıb.
Rayon sakini, 1998-ci il təvəllüdlü Anar Əvəz oğlu Məmmədov münaqişə zəminində əmisi, 1974-cü il təvəllüdlü Əsəd Çoban oğlu Məmmədovu bıçaqlayıb.
Ağır bədən xəsarətləri ilə xəstəxanaya yerləşdirilən Ə. Məmmədov bu gün xəstəxanada ölüb.
Hadisəni törədən A. Məmmədov tutulub.
Faktla bağlı cinayət işi açılıb, araşdırma aparılır.