Bakı. Nicat Mustafayev – APA-Economics. Ümumi uzunluğu 112,5 km olan Hacıqabul-Bəhrəmtəpə yolunun yenidən qurulması işləri davam etdirilir.
Nəqliyyat Nazirliyi “Azəryolservis” ASC-dən “APA-Economics”ə verilən məlumata görə, ikinci texniki dərəcəli iki hərəkət zolaqlı yolda 5 heyvan keçidi, 1 yerüstü piyada keçidi, 11 yeni körpünün, 187 ədəd müxtəlif diametrli borunun tikintisi və 1 körpünün əsaslı təmiri nəzərdə tutulub.
Sözügedən yolun Hacıqabul-Bulaqlı hissəsində ikiqat asfalt-beton örtük vurulub, Bulaqlı-Bəhrəmtəpə hissəsinin 20 km-də isə torpaq işləri və ikiqat asfalt-beton örtüyünün vurulması başa çatdırılıb. Demək olar ki, layihə üzrə işlərin 60%-i yerinə yetirilib. Layihənin bir hissəsinin 2013-cü ildə, ümumilikdə isə 2014-cü ildə istismara verilməsi planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
