Bakı - APA. “Mövsümün startında göstərdiyimiz oyuna görə futbolçularımla fəxr edirəm. Yetirmələrim məhsuldarlığı ilə də göz oxşayır”.
Apasport.az saytının məlumatına görə, bu sözləri Avstriyanın “Zalsburq” klubunun baş məşqçisi Adi Hütter deyib.
Mütəxəssis Çempionlar Liqasının III təsnifat mərhələsinin “Qarabağ”la ilk oyunu öncəsi mətbuat konfransında iştirak edib. Hütter Bakıdakı görüş haqda iddialı danışıb: “Qol iştahamız “Qarabağ”la oyunda da dayanmayacaq. Azərbaycan çempionu sonadək mübarizə aparan komandadır. 30 min azarkeş də onları dəstəkləyəcək. Lakin bizim üçün bunun fərqi yoxdur. Biz öz oyunumuzu oynamalıyıq. “Qarabağ”ın heyətində Reynaldonu fərqləndirə bilərəm. Rəqibimizi oyun boyu təzyiq altında saxlayacağıq”.
Qeyd edək ki, “Qarabağ” – “Zalsburq” oyunu bu gün saat 20:30-da başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
