Bakı, Rüfət Əhmədzadə - APA. “Bu gün Ukrayna xalqı hansı problemlərlə üzləşirsə, bu ölkədə yaşayan soydaşlarımız da o problemlərlə üzləşir”.
APA-nın məlumatına görə, bunu jurnalistlərə açıqlamasında Azərbaycanın Ukraynadakı səfiri Eynulla Mədətli söyləyib.
E.Mədətli deyib ki, Ukraynadakı azərbaycanlılarla bağlı xüsusi problem yoxdur, KİV-də yayılan bəzi məlumatlar isə şişirdilir: “Həm də səfirlik azərbaycanlıların durumu ilə daim maraqlanır. Hər hansı narahatlıq doğuran məqam olarsa, problemi həll etməyə çalışırıq”.