Bakı-APA. Rusiyada son günlərdə baş verən yanğınlar 152 min hektarı ərazini əhatə edib.
APA-nın TASS-a istinadən verdiyi məlumata görə, Xakasiya Respublikasında başlayan yanğının söndürülməsi üçün 5 mindən çox yanğınsöndürən, 1000-ə yaxın texnika və 5 helikopter-təyyarə cəlb edilib.
“RİA-Novosti”nin məlumatına görə, yanğınlar nəticəsində 30 nəfər ölüb, 2 nəfər itkin düşüb. İndiyədək 600 nəfərə tibbi yardım göstərilib. Xəsarət almış 80 nəfər xəstəxanaya yerləşdirilib.
Ərazidə 5 minə yaxın insan evsiz qalıb. Ümumilikdə, yanğının 7 milyard rubl məbləğində ziyan vurduğu bildirilir.
Rusiyanın baş naziri Dmitri Medvedev zərər çəkmiş ailələrə 700 milyon rubl yardım ediləcəyini bildirib.