Bakı. Etibar Məmmədov – APA. Bu gün Müsavat Partiyasının qərargahı qarşısında keçirilməsi nəzərdə tutulan etiraz piketi təxirə salınıb.
Bu barədə APA-ya Müsavat Partiyasından çıxarılan Kamil Xəlilbəyli məlumat verib.
O qeyd edib ki, partiya rəhbərliyinin apardığı repressiyalara etiraz olaraq keçiriləcək piket Türkiyədəki Azərbaycan Kültür Dərnəyinin rəhbəri Cəmil Ünalın tələbi ilə təxirə salınıb: “Cəmil Ünal piketi keçirməməklə bağlı mənə müraciət etdi, biz də bunu nəzərə aldıq. Ancaq piket haqqında qərar başqanlığa sabiq namizəd Qubad İbadoğlunun gələn həftə keçirəcəyi mətbuat konfransında açıqlana bilər”.