Bakı. Könül Kamilqızı - APA. Tələbə Qəbulu üzrə Dövlət Komissiyası (TQDK) oktyabrın 12-də miqrasiya orqanlarına qulluğa qəbul olmaq istəyən namizədlər üçün test imtahanı keçirib.
TQDK-nın mətbuat xidmətindən APA-ya verilən xəbərə görə, imtahanda iştirak etmək üçün 329 nəfərin namizədliyi qeydə alınıb. Onlardan 309 nəfəri imtahanda iştirak edib, 20 nəfər imtahana gəlməyib.
İmtahanın nəticələri saat 15:30-dan etibarən TQDK-nın internet saytında yerləşdirilib. Test imtahanının nəticələrinə əsasən 63 nəfər müsabiqə şərtini ödəyərək (70 və daha artıq bal toplayaraq) müsabiqənin növbəti mərhələsində iştirak etmək hüququ qazanıb.
Hər bir namizədə sənədlərini təqdim etdiyi Sənəd Qəbulu Komissiyasından imtahan nəticələrinə dair arayış təqdim olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
