Bakı. Real Cəfərli – APA. Hindistanın xarici işlər naziri Şri Salman Xurşid mayın 3-dən İranda səfərdədir. APA-nın məlumatına görə, səfərdə məqsəd İran-Hindistan hökumətlərarası əməkdaşlıq komissiyasının yığıncağında iştirak etməkdir.
Eyni zamanda S.Xurşidin İranın yüksək çinli rəsmiləri ilə görüşəcəyi bildirilir. Bundan əlavə, səfər çərçivəsində İran, Pakistan və Əfqanıstan arasında imzalanmış «Sülh» qaz boru kəmərinə Hindistanın da qoşulması ilə bağlı məsələsinin müzakirə ediləcəyi vurğulanır.
Qeyd edək ki, mayın 3-də Hindistan xarici siyasət idarəsinin rəhbərinin iştirakı ilə Tehranda Hindistan Mədəniyyət Mərkəzinin açılışı olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
