Sosial

Ana səhifə

Sosial

Bu il Tovuz rayonundan 46 nəfər hərbi məktəblərə daxil olub

09 sentyabr 2008 09:46 (UTC +04:00)

Tovuz. Nəzakət Məşədiəliqızı - APA. Bu ilki qəbul imtahanlarında Tovuz rayonundan olan 1071 abituriyentdən 323-ü tələbə adını qazanıb. Onlardan 28-i Heydər Əliyev adına Ali Hərbi Məktəbə, 18-i isə Cəmşid Naxçıvanski adına Hərbi Liseyə qəbul olub.
APA-nın Qərb bürosunun məlumatına görə, bu barədə Tovuz rayonunda keçirilən təhsil işçilərinin konfransda bildirilib. Konfransda iştirak edən millət vəkili Qənirə Paşayeva bildirib ki, gənclərin hərbi məktəblərə üz tutması üçün son bir ildə Tovuz rayonunda vətənpərvərlik mövzusunda mütəmadi təbliğat aparılıb. Konfransda qeyd olunub ki, prezident İlham Əliyevin sərəncamı ilə keçirilən "Ən yaxşı məktəb” və “Ən yaxşı müəllim” mükafatları üzrə keçirilən müsabiqələrdə Nəsrəddin Tusi adına orta məktəb “Ən yaxşı təhsil ocağı” adına layiq görülüb. “Ən yaxşı müəllim” adını isə Fazil Məhərrəmov, Talıb Mahmudov, Nizami Abdullayev qazanıb. Tədbirdə təhsil nazirinin müavini İradə Hüseynova və millət vəkili Qənirə Paşayeva tərəfindən ali məktəblərə qəbul imtahanlarında 600 –dən çox bal toplayan 12 və 500 –dən çox bal toplayan 46 məzun mükafatlandırılıb. Heydər Əliyev Fondu tərəfindən 1-ci sinif şagirdləri üçün rayona gətirilən məktəb ləvazimatları da paylanıb.