Sosial

Ana səhifə

Sosial

Sabah Azərbaycan paytaxtında hava şəraiti meteohəssas insanlar üçün əlverişsiz olacaq

29 yanvar 2009 09:49 (UTC +04:00)

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, yanvarın 30-da Bakıda və Abşeron yarımadasında havanın buludlu, gecə və səhər bəzi yerlərdə duman, çiskin olacağı, gündüz, əsasən, yağmursuz keçəcəyi gözlənilir. Cənub küləyi əsəcək, axşam şimal-qərb küləyinə keçəcək. Havanın temperaturu gecə 4-6 dərəcə isti, gündüz 10-13 dərəcə isti olacaq.

Yanvarın 31-də də havanın buludlu olacağı, arabir açılacağı, gecə və səhər bəzi yerlərdə duman, axşam çiskin gözlənilir. Şimal küləyi əsəcək. Havanın temperaturu gecə 3-5 dərəcə isti, gündüz 7-10 dərəcə isti olacaq.

Fevralın 1-də buludlu hava şəraiti üstünlük təşkil edəcək. Havanın bəzi yerlərdə çiskinli, az yağıntılı olacağı gözlənilir. Şimal-qərb küləyi əsəcək, gündüz arabir nisbətən güclənəcək.
Havanın temperaturu gecə 3-5 dərəcə isti, gündüz 6-9 dərəcə isti gözlənilir.

Yanvarın 30-da Azərbaycanın rayonlarında gün ərzində hava, əsasən, yağmursuz keçəcək. Gecə və axşam bəzi yerlərdə havanın çiskinli, az yağıntılı olacağı gözlənilir. Səhər ayrı-ayrı yerlərdə duman olacaq. Şərq küləyi əsəcək. Havanın temperaturu gecə 2-6 dərəcə isti, gündüz 9-13 dərəcə isti, dağlarda gecə 0-4 dərəcə şaxta, gündüz 3-8 dərəcə isti proqnozlaşdırılır. Yanvarın 31-də və fevralın 1-də gecə və axşam bəzi yerlərdə yağıntı olacağı gözlənilir. Səhər ayrı-ayrı yerlərdə duman olacaq. Şərq küləyi əsəcək, fevralın 1-də qərb küləyinə keçəcək, arabir güclənəcək. Havanın temperaturu gecə 0-5 dərəcə isti, gündüz 7-10 dərəcə isti, dağlarda gecə 0-5 dərəcə şaxta, gündüz 0-5 dərəcə isti olacaq.

Yanvarın 30-u günün ikinci yarısınadək Abşeron yarımadasında atmosfer təzyiqinin enməsi, arabir güclənən cənub-qərb küləyinin əsəcəyi gözlənilir ki, belə xəzriqabağı şərait ürək-damar xəstəlikləri olan meteohəssas insanlar üçün əlverişsizdir. Sonrakı 2 gün ərzində mülayim xəzri küləyi və oksigenlə zəngin havaların meteohəssas insanlara müsbət təsiri ilə yanaşı, tutqun və rütubətli hava şəraiti narahatlıq hissi yarada bilər.

Azərbaycan_hava