Sosial

Ana səhifə

Sosial

Yaxın günlərdə Azərbaycan ərazisində hava şəraiti dəyişməyəcək

05 fevral 2009 10:07 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya bildirib ki, fevralın 6-da Bakı və Abşeron yarımadasında hava dəyişkən buludlu, əsasən yağmursuz olacaq, cənub-qərb küləyi əsəcək, gecə və səhər arabir nisbətən güclənəcək, axşam şimal-qərb küləyinə keçəcək. Havanın temperaturu gecə 4-6 dərəcə, gündüz 11-16 dərəcə isti qeydə alınacaq.

Fevralın 7-də hava şimal-qərb küləyi əsəcək, gündüz arabir nisbətən güclənəcək. Şimal-qərb küləyinin əsməsi ilə əlaqədar temperatur bir necə dərəcə düşəcək. Havanın temperaturu gecə 4-6, gündüz 8-11 dərəcə isti olacaq.

Fevralın 8-də şimal-şərq küləyi əsəcək, gündüz cənub küləyinə keçəcək. Havanın temperaturu gecə 3-5, gündüz 8-11 dərəcə isti müşahidə ediləcək. Azərbaycanın rayonlarında fevralın 6-da cənub-qərb küləyi əsəcək. Havanın temperaturu gecə 0-5, gündüz 11-16 dərəcə isti, dağlarda gecə 1-6 dərəcə şaxta, gündüz 7-12, bəzi yerlərdə 14 dərəcəyədək isti olacaq.

Fevralın 7-8-də qərb küləyi əsəcək, havanın temperaturu gecə 0-5 dərəcə isti, gündüz 8-13 dərəcə isti, dağlarda gecə 0-5 dərəcə şaxta, gündüz 5-10 dərəcə isti qeydə alınacaq.
A. Verdiyev bildirib ki, yaxın 3 gün ərzində Abşeron yarımadasının hava şəraitində mühüm dəyişiklik gözlənilmir. Ona görə də meteoroloji amillərin zəif və mülayim tərəddüdləri əksər meteohəssas insanlar üçün nisbətən əlverişli olacaq.

Azərbaycan_hava