Sosial

Ana səhifə

Sosial

Bakıda Azərbaycanda uşaqların müdafiəsi islahatı üzrə Milli Konfrans başlayıb - VIDEO

Bakıda Azərbaycanda uşaqların müdafiəsi islahatı üzrə Milli Konfrans başlayıb - <font color=red>VIDEO</font>

22 oktyabr 2009 09:19 (UTC +04:00)

APA-nın xəbərinə görə, 2009-cu il “Uşaq ili” və BMT-nin Uşaq Hüquqları haqqında Konvensiyasının 20 illiyinə həsr olunmuş tədbirdə Heydər Əliyev Fondunun prezidenti, millət vəkili Mehriban Əliyeva çıxış edib. M. Əliyeva bildirib ki, hər bir kəsin formalaşmasında ailə tərbiyəsi böyük rol oynayır: “Mən üç uşaq anası olaraq analıq missiyasını həyatımın ən əziz missiyası kimi dəyərləndirirəm. Əfsuslar olsun ki, hələ də elə uşaqlar var ki, valideyn himayəsindən məhrum şəkildə dövlət müəssisələrində yaşayırlar. Talelərinin belə ağır olmasında bu uşaqların heç bir günahı yoxdur. Bir şəraiti dəyişmək üçün də onların imkanı yoxdur. Onların taleyi hamını düşündürməlidir. Heydər Əliyev Fondu yarandığı gündən valideyn himayəsindən məhrum olan, dövlət müəssisələrində, uşaq evlərində və internatlarda yaşayan uşaqların müdafiəsi istiqamətində böyük işlər görür”.

M. Əliyeva deyib ki, fond tərəfindən 31 dövlət müəssisəsi əsaslı təmir olunub və lazımı avadanlıqlarla təchiz edilib. 2006-2015-ci illəri əhatə edən “Dövlət Uşaq Müəssisələrindən Uşaqların Ailələrə verilməsi və Alternativ Qayğı Dövlət Proqramı” təsdiq edilib. Bu proqram çərçivəsində bu il təsdiq olunan plana əsasən bir il ərzində 11 dövlət uşaq müəssisəsinin, 3-5 il ərzində isə 44 müəssisənin transformasiyası nəzərdə tutulur.

UNİSEF-in Azərbaycandakı nümayəndəsi Mark Herevard isə bildirib ki, son illər Azərbaycanda uşaqların müdafiəsi və onların zorakılıqdan qorunması ilə bağlı böyük işlər görülüb: “Lakin hələ də uşaqların müdafiəsi sahəsində milli təkmilləşmə mexanizmlərinin davam etməsinə böyük ehtiyac var. Biz hamımız səlahiyyətləri düzgün bölüşdürməli, uşaqların müdafiəsi sahəsində islahatlar həyata keçirməli, ailələrə dəstək verməliyik”. M.Herevardın sözlərinə görə, UNİSEF bu sahədə Azərbaycan hökuməti və Heydər Əliyev Fondu ilə sıx əməkdaşlıq edir: “Ümid edirik ki, bu konfrans uşaqların müdafiəsi sahəsində konkret, davamlı, müəyyən vaxt çərçivəsində həyata keçən öhdəliklər müəyyənləşdirəcək, heç bir uşaq ətrafda baş verən irəliləyişlərdən geridə qalmayacaq”.

Qeyd edək ki, konfrans öz işini sabah da davam etdirəcək. Konfransın yekunu olaraq bəyannamə qəbul ediləcək.