Sosial

Ana səhifə

Sosial

Sumqayıtda yeni yaşıllıqların salınması ilə bağlı müşavirə keçirilib

28 oktyabr 2009 09:37 (UTC +04:00)

Sumqayıt – APA. Sumqayıt şəhər İcra Hakimiyyətində keçirilən müşavirədə şəhər ərazisində yeni yaşıllıqların salınması və ağacların əkilməsi istiqamətində həyata keçirilən işlərlə bağlı müzakirə aparılıb. Bu barədə APA-ya Sumqayıt ŞİH-dən məlumat verilib.

Müşavirədə ŞİH başçısı Vaqif Əliyev, şəhər Mənzil Kommunal Təsərrüfatı İstehsalat İstismar Birliyinin rəhbərliyi, Mənzil İstismar sahələrinin rəisləri, eləcə də ölkə prezidentinin sədrliyi ilə Nazirlər Kabinetinin 2009-cu ilin birinci rübünün sosial-iqtisadi inkişafının yekunlarına həsr olunmuş iclasında mövcud yaşıllıqların qorunması, inventarlaşdırılması və yeni yaşıllıqların salınması ilə bağlı verilmiş tapşırığın icrasını təmin etmək məqsədilə Sumqayıt ŞİH başçısı yanında yaradılmış İşçi Qrupunun üzvləri iştirak edib.

Müşavirədə çıxış edən İşçi Qrupunun rəhbəri A.Quluyev, ŞİH başçısının şəhər təsərrüfatı üzrə müavini T.Hacıyev, MKTİİB-nin rəisi T.Məmmədov, şəhər İxtisaslaşdırılmış Yaşıllaşdırma Tikinti İdarəsinin rəisi İ.Həsənov və şəhər Təmizlik Departamenti MMC-nin baş direktoru Q.Dünyamalıyev bu sahədə görülmüş işlər barədə müşavirə iştirakçılarına geniş məlumat verib. Sumqayıt ŞİH-in başçısı V.Əliyev bu sahədə görülən işlərin gücləndirilməsi məqsədilə öz tapşırıq və tövsiyələrini verib.

Qeyd edək ki, yaradılmış İşçı Qrupu tərəfindən bu günə kimi şəhər ərazisində 8905 ədəd ağac əkilib. Ümumilikdə isə şəhər ərazisində 181800 kvadratmetr sahədə 20200 ədəd müxtəlif növ ağac əkilməsi planlaşdırılır.