Sosial

Ana səhifə

Sosial

Azərbaycanda qeyri-sabit hava şəraiti həftə sonuna kimi davam edəcək

29 oktyabr 2009 09:24 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan APA-ya verilən məlumata görə, bu gün cənub-qərb küləyi əsəcək, arabir güclənəcək, axşam şimal-qərb küləyinə keçəcək. Havanın temperaturu gündüz 17-20 dərəcə, axşam 14-16 dərəcə isti olacaq.

Oktyabrın 30-da havanın dəyişkən buludlu olacağı, gecə və səhər yarımadanın bəzi yerlərində qısamüddətli az yağış yağacağı ehtimalı var. Səhər bəzi yerlərdə zəif duman olacaq. Şimal küləyi əsəcək, gündüz arabir güclənəcək. Havanın temperaturu gecə 12-15 dərəcə, gündüz 16-18 dərəcə isti olacaq.

Oktyabrın 31-də buludlu hava şəraitinin üstünlük təşkil edəcəyi, fasilələrlə yağış yağacağı gözlənilir. Şimal, şimal-şərq küləyi əsəcək. Havanın temperaturu gecə 11-13 dərəcə, gündüz 15-18 dərəcə isti olacaq.

Noyabrın 1-də havanın buludlu olacağı, arabir yağış yağacağı gözlənilir. Şimal küləyi əsəcək, arabir güclənəcək. Havanın temperaturu gecə 10-13 dərəcə, gündüz 14-17 dərəcə isti olacaq.

Azərbaycanın rayonlarında oktyabrın 30-da hava əsasən yağmursuz olacaq, səhər bəzi yerlərdə duman qeydə alınacaq, lakin gecə və axşam bəzi dağlıq və dağətəyi rayonlarda şimşək çaxacağı, qısamüddətli yağış yağacağı ehtimalı var. Qərb küləyi əsəcək, arabir güclənəcək. Havanın temperaturu gecə 9-14 dərəcə, gündüz 16-20 dərəcə, dağlarda gecə 3-7 dərəcə, gündüz 12-17 dərəcə isti olacaq.

Oktyabrın 31-də və noyabrın 1-də arabir şimşək çaxacağı, yağış yağacağı gözlənilir. Qərb küləyi əsəcək, arabir gücənəcək. Havanın temperaturu gecə 9-14 dərəcə, gündüz 15-19 dərəcə, dağlarda gecə 2-6 dərəcə, gündüz 10-15 dərəcə isti olacaq. Tibbi-meteoroloji proqnoza əsasən, yaxın 3 gün ərzində Abşeron yarımadasında mülayim xəzri küləyinin əsməsi gözlənilir ki, bu da əksər meteohəssas insanlar üçün əlverişli sayıla bilər.