Sosial

Ana səhifə

Sosial

“Regionların sosial-iqtisadi inkişafı Dövlət Proqramı»nın 5 illiyinə həsr olunmuş tədbir keçirilib - FOTOSESSİYA

“Regionların sosial-iqtisadi inkişafı Dövlət Proqramı»nın 5 illiyinə həsr olunmuş tədbir keçirilib - <font color=red>FOTOSESSİYA</font>

29 oktyabr 2009 18:09 (UTC +04:00)

Bakı – APA. Gənclər Mərkəzi İqtisadi İnkişaf Nazirliyinin təşkilati dəstəyi ilə prezident İlham Əliyevin 2004-cü ildə imzaladığı «Regionların sosial-iqtisadi inkişafı haqqında Dövlət Proqramı» adlı sərəncamının 5 illiyinə həsr olunmuş geniş tədbir keçirib.

APA-nın məlumatına görə, «Ambassador» hotelində baş tutan tədbirə tanınmış iqtisadçılar, millət vəkilləri, müxtəlif iş adamları, regionlarda fəaliyyət göstərən gənclər təşkilatlarının rəhbərləri qatılıb. Tədbirin baş sponsorluğunu «Azersun Holding» Şirkətlər Qrupu öz üzərinə götürüb. «Gilan Holding» və «Mətanət-A» şirkətləri də tədbirin sponsorları sırasında olublar.

Tədbirdə çıxış edən Milli Məclisin İqtisadiyyat komitəsinin sədri Ziyad Səmədzadə adıçəkilən proqramın qəbulundan keçən 5 il ərzində görülən işlərdən, qəbul edilən iqtisadi qanunlardan və bu yöndə qazanılan uğurlardan söz açıb.

Millət vəkili Fəttah Heydərov çıxışında bugünkü iqtisadi inkişafın əsasının Heydər Əliyev tərəfindən qoyulduğunu bildirib: “Heydər Əliyevin layiqli varisi cənab İlham Əliyev də respublikamızın sosial-siyasi-iqtisadi inkişafı üçün yorulmadan çalışır. Nəticə də göz qabağındadır”.

«Azersun Holding» Şirkətlər Qrupunun İctimaiyyətlə Əlaqələr departamentinin bölmə rəisi Afiq Səfərov şirkətin prezidenti Abdolbari Gözəlin adından tədbir iştirakçılarını salamlayıb: «Prezident İlham Əliyevin 2004-cü ildə imzaladığı «Regionların sosial-iqtisadi inkişafı haqqında Dövlət Proqramı»nın yerinə yetirilməsində “Azersun Holding” şirkəti çox fəal iştirak edir. Bu proqram çərçivəsində, demək olar, Azərbaycanın bütün regionlarında yeni-yeni istehsal sahələri yaradılır və yüzlərlə insan yüksək maaşlı işlə təmin olunub. Şirkətlər Qrupunun prezidenti Abdolbari Gözəlin göstərişi ilə regionlarda açılan müəssisələrdə ilk növbədə doğma yurdlarından məcburi köçkün düşmüş qaçqınlar işə cəlb olunurlar. Xeyriyyəçilik missiyasını yerinə yetirərək uşaq, qocalar və əlillər evlərinə, şəhid ailələrinə, Qarabağ əlillərinə, internat məktəblərinə, həmçinin bu kimi tədbirlərə “Azersun Holding” həmişə maddi dəstək verib və bundan sonra da bu yöndə fəaliyyətini davam etdirəcək».