Sosial

Ana səhifə

Sosial

Marneulidə “Tolerantlığın və Mülki İnteqrasiyanın Milli Konsepsiyası və Mülki Plan” adlı kitabın təqdimat mərasimi keçirilib

30 oktyabr 2009 13:09 (UTC +04:00)

Marneuli. Nizami Məmmədzadə-APA. Bu gün Gürcüstanın Marneuli şəhərində “Tolerantlığın və Mülki İnteqrasiyanın Milli Konsepsiyası və Mülki Plan” adlı kitabın təqdimat mərasimi keçirilib. APA-nın Gürcüstan bürosunun məlumatına görə, tədbiri Kvemo-Kartli bölgə qubernatoru David Kirkitadze açıb. Sonra kitabın hazırlanması barədə Gürcüstan reinteqrasiya məsələləri üzrə Dövlət nazirinin müavini Yelena Tevdoradze çıxış edib. Tədbirdə dövlət nazirinin müşaviri Savalan Mirzəyev, Kvemo-Kartli bölgə qubernatorunun müavini Hüseyn Yusifov, Gürcüstan parlamentinin deputatı Azər Süleymanov da fikirlərini söyləyiblər.

Gürcüstan reinteqrasiya məsələləri üzrə dövlət nazirinin müavini Yelena Tevdoradze APA-ya açıqlamasında bildirib ki, kitab bu ilin may ayında hökumət tərəfindən təsdiqlənmiş qərardan sonra hazırlanmağa başlayıb: “Kitabda göstərilən konsepsiyalar 5 il ərzində həyata keçməlidir. Əsas məqsədimiz odur ki, Gürcüstanda yaşayan qeyri-gürcü millətləri cəmiyyətimizə inteqrasiya olunsun, həm də azlıqda yaşayan millətlər öz ölkəsinin dövlət quruculuğu işində fəal iştirak etsin”.

Qeyd edək ki, ABŞ-ın Beynəlxalq İnkişaf Agentliyinin (USAİD) maliyyə dəsti ilə hazırlanan kitab, gürcü və Azərbaycan dillərində nəşr edilib.