Sosial

Ana səhifə

Sosial

Almaniyada Novruz bayramı ilə əlaqədar bir sıra tədbirlər keçirilib - FOTO

Almaniyada Novruz bayramı ilə əlaqədar bir sıra tədbirlər keçirilib - <font color=red>FOTO</font>

27 mart 2010 11:56 (UTC +04:00)

Bakı – APA. Almaniyada Novruz bayramı münasibətilə silsilə tədbirlər keçirilib.

Diasporla İş üzrə Dövlət Komitəsinin mətbuat xidmətindən APA-ya verilən məlumata görə, martın 20-də Almaniyadakı Azərbaycanlıların Koordinasiya Mərkəzində Novruz bayramı uşaqların ifasında maraqlı bədii proqramla qeyd olunub.

Tədbirin ssenarisi Naibə Turala, musiqi hissəsinin hazırlanması isə Kamalə Məmmədovaya məxsus olub. Kiçik yaşlı soydaşlarımız “Novruz töhfələri” adlı musiqili-bədii bayram şənliyində Novruza aid şeirlər söyləyib, mahnılar oxuyub, oyunlar oynayıb, rəqs ediblər. Uşaqlar rəmzi bayram tonqalı da qalayıblar. AAKM-nin icraçı direktoru Samirə Patzer İsmayılova uşaqları bayram münasibətilə təbrik edərək, onlara Novruz bayramının tarixi və adətləri barədə məlumat verib. O, kiçik soydaşlarımızın ana dilində sərbəst danışmasını, milli adətlərimizə bağlı olmasını, onların alman və digər xalqlardan olan dostlarına xalqımız haqqında bilgilər verməsini yüksək qiymətləndirib və buna görə bütün valideynlərə təşəkkür edib.

Tədbirdə iştirak edən Diasporla İş üzrə Dövlət Komitəsinin əməkdaşı Səadət Məmmədova Dövlət Komitəsi rəhbərliyinin bayram təbriklərini soydaşlarımıza çatdırıb. O, Novruz bayramını xarici ölkələrdə yaşayan həmvətənlərimizin yüksək səviyyədə qeyd etməsini, bunun mədəniyyətimizi və xalqımızın adət-ənənələrini dünyada tanıtması işində önəmini qeyd edib və bildirib ki, bu il BMT-nin martın 21-ni Beynəlxalq Novruz Günü elan etməsi və Novruz Bayramını dünyanın qeyri-maddi irsinin siyahısına daxil etməsi çox sevindirici hadisədir. Onun sözlərinə görə, bu qərar Azərbaycan mədəniyyətinin dünyada daha geniş təbliğinə və Novruz vasitəsilə folklorumuzun, milli adətlərimizin digər ölkələrdə daha ətraflı tanıdılmasına imkan verəcək. Qeyd edək ki, AAKM-dəki uşaqların bayram.

Martın 22-də Azərbaycanın Almaniyadakı səfirliyində Novruz Bayramı qeyd olunub. Tədbirdə qonaqları salamlayan Azərbaycanın Almaniyadakı səfiri Pərviz Şahbazov Novruz bayramı, onun tarixi, xalqımızın qədim mədəniyyətinin dünyada tanıdılmasında bu bayramın rolu, eləcə də Azərbaycan dövlətinin Novruz bayramına verdiyi önəm, hər il bu bayramın ölkəmizdə yüksək səviyyədə və təntənə ilə keçirilməsi barədə məlumat verib. Səfirlikdə keçirilən bayram tədbirində Bundestaqın üzvü, sabiq iqtisadiyyat naziri M.Qlos, Bundestaqın xarici əlaqələr komissiyasının üzvü, Xristian Demokrat Partiyasının xarici məsələlər üzrə sözçüsü Mistfelder, Bundestaqda Xristian Demokratlar və Xristian Sosialistlər fraksiyasının icraçı katibi M.Qrunt, professor Ştaynbax, Bundestaqın, Almaniya XİN-in əməkdaşları, alimlər, Almaniya ictimaiyyətinin tanınmış nümayəndələri iştirak ediblər. Bayram mərasimində Azərbaycandan dəvət olunmuş incəsənət xadimləri - xalq artisti Səkinə İsmayılova, əməkdar artist Teyyub Aslanov, əməkdar artist Elşən Mansurov (kamança) və Əliağa Sədiyevin (tar) ifasında muğamlardan parçalar və xalq mahnılarımız səslənib. Sonda qonaqlar üçün milli mətbəximizin nümunələrindən ibarət bayram süfrəsi açılıb.

Martın 23-də isə Azərbaycanın Almaniyadakı səfirliyi “Mayster” konsert salonunda soydaşlarımız və alman ictimaiyyətinin təmsilçiləri üçün Novruz bayramı münasibətilə geniş konsert təşkil edib.