Sosial

Ana səhifə

Sosial

Qax rayonunda Beynəlxalq Ailə Günü qeyd edilib

15 may 2010 20:39 (UTC +04:00)

Qax. Vüqar Heydərov. APA. Azərbaycanın Qax rayonunda 15 May Beynəlxalq Ailə Günü qeyd edilib.
Bu barədə APA-nın Şəki-Zaqatala bürosuna Qax rayon İcra Hakimiyyəti aparatından məlumat verilib. Məlumata görə, Beynəlxalq Ailə Günü münasibəti ilə rayondakı “Yaşıl Park” Mədəniyyət və İstirahət parkında ənənəvi ailə bayramı tədbiri keçirilib. Tədbir, Ailə, Qadın və Uşaq Problemləri üzrə Dövlət Komitəsi (AQUPDK) və Qax Rayon İcra Hakimiyyətinin birgə təşkilatçılığı ilə baş tutub. Tədbirdə Qax rayon icra hakimiyyəti başçısı Musa Şəkiliyev, rayonun icra strukturları, rayon ziyalıları, AQUPDK-nin sədri Hicran Hüseynova, respublikamızın bütün şəhər və rayonlarından müxtəlif nominasiyalar üzrə qalib gəlmiş nümunəvi ailələr iştirak edib. Tədbir iştirakçıları ilk öncə Heydər Əliyevin rayonun mərkəzində ucaldılan abidəsinin önünə gül-çiçək qoyub, xatirəsini ehtiramla yad ediblər.
Tədbirdə çıxış edən Qax rayon icra hakimiyyətinin başçısı Musa Şəkiliyev tədbir iştirakçılarını əlamətdar gün münasibətilə təbrik etmiş, belə mötəbər bayramın Qaxda keçirilməsini təmin etdiyinə görə rayon əhalisi adından AQUPDK-nın rəhbərliyinə minnətdarlığını bildirib.
Daha sonra tədbirdə çıxış edən AQUPDK-nin sədri Hicran Hüseynova bildirmişdi ki, Beynəlxalq Ailə Günü artıq xalqımızın sevimli bayramları sırasına daxil olmuşdur. BMT Baş Məclisinin 1993-cü il 20 sentyabr tarixli qətnaməsinə uyğun olaraq hər il may ayının 15 qeyd edilir.
Qax rayon icra hakimiyyəti başçısı M. Şəkiliyev və AQUPDK-nin sədri H. Hüseynova Qax rayonunun Ləkit kənd sakinləri, 60 il birgə ömür sürmüş Məcid və Məryəmana Əzizovlar ailəsini, habelə yeni ailə quran Tural Həsilov və Türanə Mənəfovanı təbrik edərək onlara xoş arzularını bildirmişlər. Hər iki ailəyə AQUPDK-nın və rayon icra hakimiyyətinin qiymətli hədiyyələri təqdim olunub.
Daha sonra qonaqlar, müxtəlif şəhər və rayonları təmsil edən ailələrin əl işlərindən ibarət sərgilərlə tanış olublar.
15 Мay Beynəlxalq ailə gününə həsr edilmiş tədbir bayram konserti ilə sona çatıb