Sosial

Ana səhifə

Sosial

Azərbaycanda iqtisadi fəal əhalinin sayı 4,339 mmln. nəfərə çatıb

18 avqust 2010 08:43 (UTC +04:00)

Bakı. Nicat Mustafayev – APA-Economics. Bu il avqust ayının 1-i vəziyyətinə Azərbaycanda iqtisadi fəal əhalinin sayı 4 338,9 min nəfər olub, onlardan 4 079,8 min nəfərini və ya 94%-ni iqtisadiyyatın və sosial bölmənin müxtəlif sahələrində məşğul olan əhali təşkil edib.

Dövlət Statistika Komitəsindən «APA-Economics»ə verilən məlumata görə, 2010-cu il iyul ayının 1-i vəziyyətinə Əmək və Əhalinin Sosial Müdafiəsi Nazirliyinin Miqrasiya İdarəsi tərəfindən Azərbaycan ərazisində haqqı ödənilən əmək fəaliyyətini həyata keçirmələrinə fərdi icazələrin verilməsi ilə əlaqədar əcnəbilərin sayı 7 091 nəfər təşkil edib və onların 6 693 nəfəri kişi, 398 nəfər isə qadınlar olub. Əcnəbilərin 2 272 nəfəri mədənçıxarma sənayesində, 2 620 nəfəri tikintidə, 497 nəfəri emal sənayesində, 339 nəfəri təhsil sahəsində, 309 nəfəri topdan və pərakəndə ticarət; avtomobillərin və motosikletlərin təmiri sahəsində, 220 nəfəri yaşayışın təşkili və ictimai iaşə sahəsində, 168 nəfəri informasiya və rabitə sahəsində, 134 nəfəri maliyyə və sığorta fəaliyyəti sahəsində, 102 nəfəri nəqliyyat və anbar təsərrüfatı sahəsində, 88 nəfəri peşə, elmi və texniki fəaliyyəti sahəsində, 68 nəfəri kənd təsərrüfatı, meşə təsərrüfatı və balıqçılıq sahəsində, 67 nəfəri əhaliyə səhiyyə və sosial xidmətlərin göstərilməsi sahəsində, 31 nəfəri daşınmaz əmlakla əlaqədar əməliyyatlar sahəsində və 176 nəfəri digər sahələrdə əmək fəaliyyəti ilə məşğul olub.

Cari ilin yanvar-iyun aylarında məşğul əhalinin tərkib hissəsi olan muzdla işləyənlərin siyahı sayı 1 358,4 min nəfər, iqtisadiyyatın dövlət bölməsində 851,6 min nəfər, qeyri-dövlət bölməsində 475,1 min nəfər olmaqla orta siyahı sayı isə 1 326,7 min nəfər təşkil edib.

Müəssisə və təşkilatlarda muzdla çalışan işçilərin 19,4%-i məhsul istehsalı sahələrində, onlardan 2,6%-i mədənçıxarma sənayesində, 5,6%-i emal sənayesində, 2,2%-i elektrik enerjisi, qaz, buxar və kondisiyalaşdırılmış hava ilə təchizat sahəsində, 1,6%-i su təchizatı; çirkli suların və tullantıların təmizlənməsi sahəsində, 4,7%-i tikintidə, 2,7%-i kənd təsərrüfatı, meşə təsərrüfatı və balıqçılıq sahəsində məşğul olib. Xidmət sahəsində çalışanların 26%-i təhsil, 20,2%-i topdan və pərakəndə ticarət; avtomobillərin və motosikletlərin təmiri, 10,1%-i əhaliyə səhiyyə və sosial xidmətlərin göstərilməsi, 5,6%-i nəqliyyat və anbar təsərrüfatı, 4%-i istirahət, əyləncə və incəsənət sahəsində fəaliyyət, 3,9%-i dövlət idarəetməsi və müdafiə; icbari sosial təminat, 3,2%-i peşə, elmi və texniki fəaliyyət, 1,8%-i informasiya və rabitə, 1,5%-i maliyyə və sığorta fəaliyyəti, 1,5%-i inzibati və yardımçı xidmətlərin göstərilməsi, 1,3%-i yaşayışın təşkili və ictimai iaşə, 0,9%-i digər sahələrdə xidmətlərin göstərilməsi və 0,6%-i daşınmaz əmlakla əlaqədar əməliyyatlar sahələrində cəmlənib.

Bu il avqust ayının 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilmiş şəxslərin sayı 39,7 min nəfər olub, onların da 43,5%-ni qadınlar təşkil edib. Bir boş iş yerinə tələbat işsiz statusuna malik olan 5 nəfər şəxsdən ibarət olub. İşsizliyə görə müavinətin orta məbləği 154,4 manat təşkil edib.