Sosial

Ana səhifə

Sosial

Qaradağ rayonunda Xəzər sahili ərazidə reyd keçirilib

25 avqust 2010 07:12 (UTC +04:00)

Bakı-APA. Ekologiya və Təbii Sərvətlər Nazirliyi (ETSN) və Daxili İşlər Nazirliyinin (DİN) əməkdaşları tərəfindən Qaradağ rayonu Xəzər sahili ərazidə bərk məişət tullantılarının qanunamüvafiq qaydada idarə olunması vəziyyətini yoxlamaq məqsədilə reyd keçirilib. ETSN-in mətbuat xidmətindən APA-ya verilən məlumata görə, Qaradağ rayonu ərazisində fəaliyyət göstərən “GE Petrol” firmasında formalaşan bərk məişət tullantılarının müvafiq qaydada idarə olunmamasına görə firma hüquqi şəxs qismində inzibati qaydada 2000 manat məbləğində cərimə olunub.
Qaradağ rayonu Xəzər sahili ərazidə bərk məişət tullantılarının müvafiq qaydada idarə olunmamasına görə “Meduza” iaşə obyektinin iş icraçısı A. Süleymanov, “Laçın” İKF-nin iş icraçısı L. Qazaxov, “Ruzi” iaşə obyektinin iş icraçısı X.Məmmədov və “4/4” iaşə obyektinin iş icraçısı S.Əliyev hər biri fiziki şəxs qismində inzibati qaydada 500 manat məbləğində cərimə ediliblər.
Qaradağ rayonu Xəzər sahili ərazidə fəaliyyət göstərən iaşə obyektində formalaşan bərk məişət tullantılarının müvafiq qaydada idarə olunmamasına görə iş icraçıları X.Yunusov və N.Quliyev hər biri fiziki şəxs qismində inzibati qaydada 500 manat məbləğində cərimə olunublar.