Sosial

Ana səhifə

Sosial

Bakıda «Hər bir istehlakçı öz hüquqlarını bilməlidir» mövzusunda seminar keçirilib

12 may 2011 12:33 (UTC +04:00)

Bakı. Nicat Mustafayev - APA-Economics. Bu gün Bakıda Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən «Hər bir istehlakçı öz hüquqlarını bilməlidir» mövzusunda növbəti seminar keçirilib.

Nazirlikdən «APA-Economics»ə verilən məlumata görə, tədbirdə ali təhsil müəssisəsinin 100-ə yaxın müəllim və tələbələri iştirak edib.

Seminarda çıxış edən Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin rəis müavini Vidadi Quliyev istehlakçıların hüquqlarının qorunması sahəsində mövcud qanunvericilik və bu sahədə görülən işlər barədə məlumat verib və bildiribi ki, bu sahədə mövcud çatışmazlıqların aradan qaldırılmasında istehlakçıların maarifləndirilməsi mühüm əhəmiyyət kəsb edir.

Öz növbəsində Dövlət Xidmətinin şöbə müdiri Zahid Şərifov «Hər bir istehlakçı öz hüquqlarını bilməlidir» məruzəsi ilə çıxış edərək, istehlakçı hüquqları barədə ətraflı məlumat verib, bu sahədə dövlət orqanları ilə istehlakçılar arasında əlaqələrin genişləndirilməsinin vacibliyini qeyd edib.

Tədbir çərçivəsində seminar iştirakçılarına istehlakçı hüquqlarına dair müxtəlif broşurlar və yaddaş kitabçaları paylanıb.