Sosial

Ana səhifə

Sosial

DSMF “Əmək pensiyaları haqqında” qanuna edilən dəyişikliklərlə bağlı ilk regional müşavirə keçirib - FOTO

DSMF “Əmək pensiyaları haqqında” qanuna edilən dəyişikliklərlə bağlı ilk regional müşavirə keçirib - <font color=red>FOTO</font>

23 iyun 2011 10:56 (UTC +04:00)

Bakı - APA-Economics. Azərbaycan prezidenti İlham Əliyevin “Əmək pensiyaları haqqında” qanuna əlavə və dəyişiklikləri təsdiq etməsi ilə əlaqədar Dövlət Sosial Müdafiə Fondu (DSMF) regional müşavirələrin keçirilməsinə start verib.

DSMF-nin İctimaiyyətlə əlaqələr sektorundan “APA-Economics”ə verilən məlumata görə, regional müşavirələrin keçirilməsində məqsəd qanundan irəli gələn vəzifələrin bölgələrdə vaxtında həyata keçirilməsi, bu sahədə şəffaflığın tam təmin olunması, əhalinin müraciətlərinin operativ şəkildə cavablandırılmasını təşkil etməkdir.

Ağdam rayonunda keçirilən ilk müşavirədə DSMF sədri Səlim Müslümov, Ağdam Rayon İcra Hakimiyyətinin başçısı Nizami Sadıqov, Fondun digər rəhbər şəxsləri, Ağdam, Ağcabədi, Bərdə, Beyləqan, Füzuli, Tərtər, Laçın, Yevlax və Xocavənd rayon şöbələrinin əməkdaşları iştirak ediblər.

Tədbirdə çıxış edən DSMF sədri Səlim Müslümov vurğulayıb ki, prezident İlham Əliyevin rəhbərliyi ilə Azərbaycanda əhalinin sosial müdafiəsi sahəsində həyata keçirilən köklü islahatlar nəticəsində vətəndaşlarımızın yaşayış səviyyəsi daha da yüksəlməkdədir. Əmək pensiyaçılarının sosial müdafiəsinin möhkəmləndirilməsi xüsusi diqqət mərkəzində saxlanılaraq, bu istiqamətdə mühüm addımlar atılır: “Prezident İlham Əliyevin qəbul etdiyi mühüm qərarlar əmək pensiyaçılarının sosial müdafiəsinə dəyərli töhfələr verib. Ölkəmizdə yeni sığorta-pensiya sisteminin fəaliyyət göstərdiyi ötən 6 ildə Azərbaycan prezidenti yaşa görə əmək pensiyasının baza hissəsinin artırılması üçün 7, sığorta hissəsinin indeksləşdirilməsi ilə bağlı 5 sərəncam verib. 2006-cı il yanvarın 1-dən əvvəlki dövrdə qazanılmış pensiya hüquqlarının yeni əmək pensiyaları sisteminə daha sıx inteqrasiyasının təmin olunmasını nəzərdə tutan növbəti islahat tədbiri də əmək pensiyaçılarının maddi təminatının yaxşılaşdırılmasına xidmət edir”.

DSMF sədri bildirib ki, pensiya artımlarının əhaliyə çatdırılmasını vaxtında təmin etmək üçün Fond tərəfindən hazırlıq tədbirləri həyata keçirilir. Yenidən hesablama 01.01.2010-cu ilədək mövcud olan bütün pensiya işlərinin hər birinə yenidən baxılmasını tələb edir və görüləcək iş çox böyük texniki həcmə malikdir. Bütün bunlara baxmayaraq, DSMF prosesin maksimum tez yekunlaşmasını hədəf seçib və Fondda mövcud olan avtomatlaşmış idarəetmə sistemi bu işin icrasına böyük təkan verəcək.

S.Müslümov vurğulayıb ki, artıq pensiyaların yenidən hesablanmasını yüksək səviyyədə icra etmək məqsədilə xüsusi komissiya yaradılıb və komissiyanın gərgin əməyi sayəsində qısa müddət ərzində Bakının rayonları, Abşeron rayonu və Sumqayıt şəhəri pensiyaçılarının məlumatlarının dəqiqləşdirilməsi prosesi başa çatıb. Hazırda ölkənin digər rayonlarında yaşayan pensiyaçılar üzrə staj məlumatlarının dəqiqləşdirilməsi prosesi həyata keçirilir.

S.Müslümov şöbə müdirlərinə əhalinin bu istiqamətdə olan hər hansı müraciətinin diqqətlə araşdırılması barədə ciddi tapşırıqlar verib: “Hər bir şöbə üzrə vətəndaşların ərizə və şikayətlərinə ən qısa müddətdə baxılmalı, ərizələr diqqətlə araşdırılmalı, şöbələrin rəhbərliyi tərəfindən vətəndaşlar məhdudiyyətsiz qəbul olunmalı və bütün müraciətlər üzrə təcili tədbirlərin görülməsi təmin olunmalıdır”.